SP0230010: sanatkumaara uvaaca|
SP0230011: bhagavaandevadeve"sa.h sarvabhuutapatirhara.h|
SP0230012: deviimuvaaca vaagii"sa umaa.m girivaraatmajaam||1
SP0230021: devi nandii"svara.m devamabhi.sek.syaami bhuutapam|
SP0230022: ga.naanaavaahayi.syaami ki.m vaa tva.m manyase .avyaye||2
SP0230030: devyuvaaca|
SP0230031: saptalokaadhipatya.m ca ga.ne"saanaa.m tathaiva ca|
SP0230032: sarvamarhati deve"sa nandii putro mamaagraja.h||3
SP0230040: sanatkumaara uvaaca|
SP0230041: tata.h sa bhagavaandeva.h sura"satruni.suudana.h|
SP0230042: praa"nmukha.h sa ga.ne"saanaamaahvaanamakarottadaa||4
SP0230051: tata.h sahasra"sastatra ga.naadhyak.saa mudaa yutaa.h|
SP0230052: sampraaptaa.h sarvaloke"saastacch.r.nu.sva mahaamune||5
SP0230061: tata.h karaalada"sano bh.rku.tiibhuu.sitaanana.h|
SP0230062: "sa"nkhahaaraambugaura"sca da.m.s.trii sragmii trilocana.h||6
SP0230071: ja.taasahasrordhva"siraa jvaalaake"so mahaahanu.h|
SP0230072: agnya"ngaarakanetra"sca bhujagaabaddhamekhala.h||7
SP0230081: vidyujjihvo mahaakaayastathaa caivordhvamehana.h|
SP0230082: sarpayaj~nopaviitii ca para"svadhadharastathaa||8
SP0230091: bhujagaabaddhamau~nji"sca bhujagaireva ka"nka.nai.h|
SP0230092: a.t.tahaasaans.rjaana"sca a"saniipaatasa.mnibhaan|
SP0230093: di.n.dirityeva vikhyaato ga.napa.h samad.r"syata||9
SP0230101: aatmana.h sad.r"saanaa.m ca ko.tiibhirda"sabhirv.rta.h|
SP0230102: ga.napaanaa.m sure"saanaa.m yoginaa.m diiptatejasaam||10
SP0230111: tato .aparo mahaake"so mahaakaayordhvamehana.h|
SP0230112: tryak.so .anala"sataprakhya.h a"saniipaatanardana.h||11
SP0230121: n.rtyangaaya.m"sca citraa.ni kurvannaa.tyaanyaneka"sa.h|
SP0230122: jvalada.m.s.tro mahaahaaso b.rhatskandha.h pinaakadh.rk||12
SP0230131: ko.tiibhirda"sabhi.h saardha.m dvigu.naabhirmahaatmanaam|
SP0230132: ga.naanaa.m citraruupaa.naa.m yugapatsamprad.r"syata||13
SP0230141: si.mhaasyagajakokaasyairdviipi"saarduulakaananai.h|
SP0230142: so .a.saa.dhirnaama ga.napo vyaasa tatra samaagata.h||14
SP0230150: sanatkumaara uvaaca|
SP0230151: athaanyo vyaasa sampraapto yugaantaadityasaprabha.h|
SP0230152: "satayojanabaahu"sca digvaasaa"scordhvamehana.h||15
SP0230161: atidiirgho .atime.dhra"sca lambabhruu.h sthuulanaasika.h|
SP0230162: v.rttaasya"sca mahaak.sa"sca bh.rku.tiisa.mhataanana.h||16
SP0230171: pa~ncayojanavistiir.no diirgho vai taavadeva ca|
SP0230172: da.m.s.traa"scatasro vaktre.na bibhraccha"nkhendupaa.n.daraa.h||17
SP0230181: pa~ncajihvordhvakar.na"sca paa"sahasto manojava.h|
SP0230182: v.rta.h ko.tii"satenaiva sad.r"saanaamad.r"syata||18
SP0230191: bhaarabhuutiiti vikhyaato mahaayogabalaanvita.h|
SP0230192: ga.napo devadevasya samiipa.m so .abhyagacchata||19
SP0230201: tata.h kundendu"sa"nkhaabha.m himaraa"syambusa.mnibham|
SP0230202: m.r.naalaspha.tikaabha.m ca bhasmakak.saavalambanam||20
SP0230211: g.rhiitvaa caa"saniihaasa.m tripaada.m ciiravaasasam|
SP0230212: "satodara.m tri"sirasa.m trinetra.m cordhvamuurdhajam||21
SP0230221: jvaalaamaalaagrake"sa.m ca vyaaghracarmaajinaambaram|
SP0230222: vaayuvega.m mahaahaasa.m bhujagaabaddhamekhalam||22
SP0230231: mahoragak.rtaapii.da.m "sa"nkukar.nordhvamehanam|
SP0230232: bhasmaprahara.na.m caiva mahaada.m.s.tra.m mahaahanum||23
SP0230241: mahaaga.napati.m viira.m jvara ityeva vi"srutam|
SP0230242: ko.tii"satav.rta.m ta.m ca ga.napa.m so .anvapa"syata||24
SP0230251: tato .apara.h saumyaruupo bhasmadigdhaa"nga eva ca|
SP0230252: tri"suulapaa.nirdigvaasaa mahaayogabalaanvita.h||25
SP0230261: bahuve.sadhara"scaiva dhyaanayogaparaaya.na.h|
SP0230262: somavar.na iti khyaata.h ko.tii"satav.rta.h prabhu.h|
SP0230263: taad.r"saanaa.m ga.naadhyak.so devenaahuuta aagata.h||26
SP0230271: athaaparo mahaakaaya.h "suulapaa.nirmahaabala.h|
SP0230272: yugaantaanalasa.mkaa"sa.h sthira.h sthiraya"sobala.h||27
SP0230281: candramaulirmahaake"sa"scaturbaahurvilohita.h|
SP0230282: ekapaadairmahaakaayaistryak.saistai.h "suulapaa.nibhi.h||28
SP0230291: v.rta.h ko.tii"satenaiva sthaa.nustatraabhyavartata|
SP0230292: samahaapaar.sado rudra.h sarvaasuranibarha.na.h||29
SP0230301: tato .apara.h pa.t.tisena hrasvapaadodara.h "suci.h|
SP0230302: sahasrabaahucara.na.h sahasraak.sa.h prataapavaan||30
SP0230311: karaalada"sana"scaiva k.r.s.nasarpaambaracchada.h|
SP0230312: tryak.sa"scandrak.rtaapii.da.h ka.n.thamaalaavibhuu.sita.h||31
SP0230321: ugrasena iti khyaata.h ko.tii"satav.rta.h sa ca|
SP0230322: aagaatsamiipa.m devasya aahuuta.h svayamii"svara.h||32
SP0230331: tato .apara.h samaapede deva.m candraardhadhaari.nam|
SP0230332: caturvaktro mahaatejaa"scaturvi.m"sek.sa.na.h prabhu.h||33
SP0230341: sahasrabaahurjvaalaasyo mahaanetrordhvamehana.h|
SP0230342: karaalada"sana"scaiva "sa"nkukar.no mahaanakha.h||34
SP0230351: asipaa.nirmahaatejaa.h "satapaada.h "satodara.h|
SP0230352: vidyutke"so .atihaasa"sca tathaivobhayatogati.h||35
SP0230361: ajaikapaaditi khyaato v.rta.h ko.tii"satena sa.h|
SP0230362: kaa~ncanopalav.rk.saa.dhya.h samegha iva parvata.h||36
SP0230370: sanatkumaara uvaaca|
SP0230371: aagaattato .aparo vyaasa ga.napa.h sumahaabala.h|
SP0230372: sarvatovadana.h "sriimaansarvata.hpaa.nipaadadh.rk||37
SP0230381: hrasvabaahuurupaada"sca a"sani.m dhaaraya~nchubham|
SP0230382: "satairv.rta"sca ko.tiinaama.s.taabhistvaatmana.h samai.h|
SP0230383: nikumbha iti vikhyaata.h "satapaadodaraanana.h||38
SP0230391: aagaattato .apara"scaapi vidyutke"so mahaabala.h|
SP0230392: candramaalaadharo ghora.h prahasanpravicaalayan||39
SP0230401: da.n.dadhaarii mahaavaktra.h "sa"nkhakundendusaprabha.h|
SP0230402: ga.nako.tii"satav.rta.h parama.m parataapana.h||40
SP0230411: tato .apara.h sahasre.na ko.tiinaa.m ga.napo v.rta.h|
SP0230412: suuryamaalaasraja.m bibhradaajagaama mahaatapaa.h||41
SP0230421: sa suuryaapyaayano naama devasya paramapriya.h|
SP0230422: dhanu.spaa.nirmahaatejaa vi"sruta.h samahaadyuti.h||42
SP0230431: tathaanya.h sarpamaala"sca cakraabhara.na eva ca|
SP0230432: cakraayudho mahaatejaa hrasvapaadaka.tiikara.h||43
SP0230441: sa naamnaa vi"sruto loke grahaapyaayana ityuta|
SP0230442: ga.nako.ti"satai.h .sa.dbhirv.rta.h samanudhaavata||44
SP0230451: "sa"nkukar.no .abhyayaaccaiva ga.nako.tyaa mahaabala.h|
SP0230452: nandika"scaapi da"sabhi.h pi"ngaak.so .a.s.taabhireva ca|
SP0230453: vinaayaka"scatu.h.sa.s.tyaa ku.smaa.n.do naama vi"sruta.h||45
SP0230461: hira.nyavar.na.h .sa.dbhi"sca ekapaadastathaiva ca|
SP0230462: dhuumrake"so dvaada"sabhi.h pataakii da"sabhistathaa||46
SP0230471: sahasragha.n.to .a.s.taada"sabhistapa.h pa~ncabhireva ca|
SP0230472: sahasra"siir.sa.h .sa.dbhi"sca bhava.h ko.ti"sataav.rta.h||47
SP0230481: varo da"sabhirabhyaagaatkumbhakar.nastathaa.s.tabhi.h|
SP0230482: vi.svaksena.h sahasre.na annadastu "satena vai||48
SP0230491: aave"sanii tathaa.s.taabhi.h saptabhi"sca pravartana.h|
SP0230492: mahaarava.h sahasre.na ko.tiinaa.m ga.napo v.rta.h||49
SP0230501: caturmukho dvaada"sabhistathaa baahuupahaaraka.h|
SP0230502: mahaakaala.h "satenaiva tathaagni"sikharo ga.na.h||50
SP0230511: aadityamuurdhaa ko.tyaa ca tathaa caiva dhanaavaha.h|
SP0230512: sa.mnaama"sca "satenaiva kukku.to .a.s.taabhireva ca||51
SP0230521: kunda"sca pa~ncada"sabhistathaa sa.mko.tako .apara.h|
SP0230522: amoghabhuuti.h ko.tyaa ca tathaa dvau meghabhuutikau||52
SP0230531: ekapaado .apara.h .sa.s.tyaa tathaa sapta"siraa ga.na.h|
SP0230532: mahaabala"sca navabhirapasmaara"sca vi"sruta.h||53
SP0230541: niilo navatyaa deve"sa.h puur.nabhadrastathaiva ca|
SP0230542: nir.rti"scaiva saptatyaa ko.tiinaamabhyagaatsaha||54
SP0230551: ko.tiiko.tiisahasraa.naa.m "satairvi.m"satibhirv.rtaa.h|
SP0230552: iitayastatra caajagmurmahaayogabalaanvitaa.h||55
SP0230561: bhuutaa.h ko.tisahasre.na pramathaa.h ko.tibhistribhi.h|
SP0230562: viirabhadra"scatu.h.sa.s.tyaa v.r.sabha"sca mahaabala.h||56
SP0230571: megha.h saudaamaniimaalo navatyaa sa.mv.rto .abhyagaat|
SP0230572: prabhaakara"sca vi.m"satyaa vi.tpati"sca mahaabala.h||57
SP0230581: giriko meghanaada"sca udaro ma.nireva ca|
SP0230582: kaa.s.thakar.na"sca divyaatmaa bilvaruupa"sca vi"sruta.h||58
SP0230591: "satamanyustathaa caiva pa~ncaak.sa"scaiva viiryavaan|
SP0230592: taalaketu"sca .sa.n.da"sca kaapaalii gajanaa"sana.h||59
SP0230601: sa.mvartakastathaa caitrastrailokyadahanastathaa|
SP0230602: lokaantaka"sca diiptaatmaa hemaku.n.dala eva ca||60
SP0230611: m.rtyu"scaiva yama"scaiva kaalo vi.saharastathaa|
SP0230612: "satamaayo mahaamaaya.h sarvatraa"sara.nastathaa|
SP0230613: eka"s.r"ngii ca vikhyaatastathaa bh.r"ngiri.ti"sca ya.h||61
SP0230621: ete caanye ca ga.napaa guhyaa ye ca mahaabalaa.h|
SP0230622: tatraajagmurmudaa yuktaa.h sarve citraastrayodhina.h||62
SP0230631: gaayanta"sca dravanta"sca n.rtyanta"sca mahaabalaa.h|
SP0230632: mukhaa.dambaravaadyaani naadayantastathaiva ca||63
SP0230641: rathairnaagairhayai"scaiva vaayumarka.tavaahanaa.h|
SP0230642: vyaaghrasi.mhabi.daalai"sca sarpai.h pak.sibhireva ca||64
SP0230651: "svaapadai"sca tathaanekairanyai"sca vividhai.h "subhai.h|
SP0230652: vimaane.su tathaaruu.dhaa manu.sye.su tathaapare||65
SP0230661: bherii"sa"nkham.rda"ngai"sca pa.navaanakagomukhai.h|
SP0230662: vaaditrairvividhai"scaiva pa.tahairekapu.skarai.h||66
SP0230671: bheriijharjharasa.mnaadairaa.dambaraka.di.n.dimai.h|
SP0230672: ma.d.dukairve.nuvii.naabhirviv.r.saistu.navairapi||67
SP0230681: darduraistaalaghaatai"sca kacchapai.h pa.navairapi|
SP0230682: vaadyamaanairmahaayogaa aajagmurdevasa.msadam||68
SP0230691: te vi"svakarmaa.namamitrasaahaa vi"sve"samekaak.saramavyaya.m ca|
SP0230692: sahasranetrapratimaatibhaasvaraa.h pra.nemuruccairapi caabhinedu.h||69
SP0239999: iti skandapuraa.ne trayovi.m"satimo .adhyaaya.h||23